海底撈果然名不虛傳，從一進門開始已經有服務員係門口招待我地，然後問我地book左幾多位，係我地等左幾分鐘既時候，服務員已經準備好d小食同水比我地，照顧非常周到。
不過大家光顧既時候記得要
先book位啊！
先book位啊！
先book位啊！
超級重要，所以要講3次
如果唔係要等好耐，因為有好多人已經在門口等候，Walk in的話相信最少要等半個鐘。
電話號碼：36130888
地址：尖沙咀金巴利道26號2樓
入到去之後，服務員主動幫我地放好隨身物品，首先比左熱毛巾我地抹手，然後攞圍裙同手機套比我地，比埋部ipad我地點菜（非常方便！），就好似全程有人照顧咁。
▲呢個表寫左一部分特色食物要煮既時間 超級貼心！！！
食物黎到之後就幫我地放落去個湯底度，可以話係第一次見到咁好既服務，當時真係嚇左一跳，因為真係好少見到會有咁好服務既餐廳，呢種服務水平係香港黎講可以話係數一數二。
▲魚肉三明治係我打咁耐邊爐以黎第一次食到既，味道唔錯。
▲肥牛同羊肉雖然偏貴，但係物超所值
▲檸檬茶可以任添（不過每位要加$15） 水果可以任食先係重點！！！！
平時食開任食火鍋，都唔知道原來有咁多高質餐廳，簡直係大開眼界，雖然突然轉食單點火鍋係有少少唔習慣，不過最後埋單4個人800幾，可以話係美食服務兼得，臨走之前仲有雪米糍食添，值得推介！
