對於很多人來說，返工就係唯一的搵錢方法，因為唔返工就無錢洗，尤其是係香港呢個生活水平高既地方，想上車都要講緊成千萬起跳，靠返工供樓都要供大約50年，小K認為好的開始就是成功的一半，投資呢一門課從小學到大學是完全沒有教過的，可能因為老師自己都唔識，子華神曾經講過，呢個世界有八大奇跡，最後一種就係複利，其實有邊七大奇跡我都唔知XD，巴菲特就是利用複利的力量，得到「股神」呢個名銜。當然，我地既目標唔需要成為股神，但是可以學習股神的做法，達到財務自由。
小K身為一個90後，當然希望可以靠自己白手起家，所以由大學時代開始就一直不斷睇有關投資的書（Sorry，講到好似好老咁，但係其實我大學未畢業），其實最主要係因為我中學雖然有接觸Econ，但係對於投資理財既知識基本上係0（以為呢啲係有錢人玩意），係我當時既世界裡面只有零用、食飯、買東西、零用….無限loop，然後就把剩下來的錢一係放係銀行裡面「收息」，當時覺得，哇，終於有$1利息，已經超級開心（總比無好嘛?），宜家唸落，真係無左好多年既息啊?，最後都係要靠自己去慢慢摸索，從0開始學理財，任何人一開始都係需要交學費既，交得多自然就可以穩定下來，當然，要交多少就見人見志喇，希望大家睇完我啲post之後可以學到實用的知識吧！
投資理財係人生必需要學的一科目，知易行難，如果幼稚園開始教我玩複利，大學畢業可能已經可以退休，小K從19歲開始學習投資，雖然一開始在股票市場交了不少學費，現時開始穩定下來，希望可以令更多人了解投資，並認識更多朋友，互相分享投資經驗和成果。
當然，只係靠投資會失去好多人生樂趣，所以為左平衡翻少少，小K都會周圍搵美食同埋打機，詳情請留意小K飲食之路&小K遊戲之路。
